I got the inspiration for this story from the story called Songbirds by Nayanika Basu in the book Stay at Home! To read this story visit: https://indd.adobe.com/view/0f834b3c-c44c-439d-be0d-2fb7de5d6caf
I hope you enjoy it! 😀
Tweets
Blue Tit: Hi Robin, strange year.
Robin: Aye, the big beardie yin’s still workin frae
his nest – starin at the pecking machine.
Blue Tit: Ken, it’s coz the cock o’ the walk’s telt
them a’ tae stay at hame.
Robin: Whit?
Blue Tit:
Whaur ye been? I’m talkin aboot their heid gaffer, the yin on the telly! Ye ken?
The yin that bobs her heed feathers aboot like yin ae us!
Robin: Oh aye! D’ye ken whit I saw yisterday at nummer
12?
Blue Tit: Whit?
Robin: See
the weans? The wee’est yin’s been puttin that stripey tie roon his neck and donnerin
aff with his schull bag oan his back.
Blue Tit: Ah huvney seen him.
Robin:
Aye, weel he gets up early and disnae come back tae the efternoon. Yer ey late
tae the feeders.
Blue Tit:
Tee tee! Weel his maw’s forgoat tae put maer sunfloor seed oot, so I’m no in a
hurry! Wis he wearin yin o’ them daft coupen coverings?
Robin:
Aye, and a fat loat o’ help it’ll dae him! He’s ey munchin oan snacks and has
tae take it aff every 5 meenits! The biggest wean’s still at hame. She’s starin
at the wee screen that’s ey stuck tae her haun!
Blue Tit: Ken!
And their Maw’s a bit obsessed – cleanin doorknobs and the like, ken?
Robin: But they dinnae hink o’ us dae they?!
Blue Tit: Whit ye oan aboot?
Robin: Weel, ye see her cleanin ivryhing – but huv
they ever cleaned oor feeders? Naw!
Blue Tit: Fair point! But huv ye heard the lassie
singin?
Robin: Whit lassie?
Blue Tit:
The fair haired yin! She’s singin aw the time noo. Nae mare rock songs – braw
ballads – lovely!
Robin: Ah hink ah kin hear her.
Blue Tit: Aye, that’s her! Noo wheesht and listen!
